Laguens dera grana família des animaus, es anfibís son aqueri que pòden víuer autant sus tèrra coma jos era aigua. Abituaument quan son joeni demoren preferentament ena aigua e an ua respiracion branquiau (respiren a trauès des sus brànquies) e quan son adults passen mès temps dehòra dera aigua e an ua respiracion a trauès des sòns paumons. Tanben respiren e obtien er oxigèn a trauès dera pèth. Per aguesta rason les trapam en airaus umidi entà poder auer tostemp umida era sua pèth.
Era sua pèth ei plan fina e non an ne peu ne escates. Enes sues quate pautes an ues membranes que separen es sòns dits e que les ajuden a nadar laguens dera aigua. Son vertebrats, an colomna vertebrau.
Se reprodusissen per ueus, e iniciaument son larves que se transformen progressivament, damb era aparicion d’extremitats.
Quan son joeni son erbivòrs (mingen èrba), mès quan creishen càmbien tà ua alimentacion carnivòra.
Son anfibís era gargolha, eth sapo, eth triton o era salimana.
E vosati, qué pensatz qu’ei Capi? Tanben ei un anfibí?
