I a paraules que sonque an un significat, mès n’i a d’autes qu’an diuèrsi significats. Son es paraules polisemiques. Per exemple, pluma pòt èster ua pluma d’audèth o era pluma d’escríuer, o taula pòt èster un mòble o ua guida entà apréner o conéisher detalhs, coma es taules de multiplicar.
E com podem distinguir se quin ei eth significat corrècte? Ac podem arténher damb eth contèxte dera convèrsa o deth tèxte. Per exemple, damb era paraula pluma, se parlam d’audèths, saberam qu’ei eth prumèr significat e, se parlam d’escríuer un tèxte, saberam qu’ei eth dusau.
Mès tanben i a paraules que signifiquen çò de contrari era ua respècte dera auta, coma per exemple gran e petit, long e cuert, lent e rapid, joen e vielh, clar e escur… Son es paraules antonimes.
E tanben i a paraules diferentes que signifiquen çò de madeish. Son es paraules sinonimes. Per exemple, mainatge e nenet, que signifiquen aproximadament çò de madeish, o es vèrbs partir, marchar e anar-se’n. Bères paraules pòden èster sinonimes en un tèxte mès en d’auti non.
Ne coneishetz mès, vosati, de paraules polisemiques, antonimes o sinonimes?
