D’ençà dera Revolucion Industriau, era nòsta societat a emplegat sustot energies nomentades fossiles, perque provien de matèries viues antiques, coma eth petròli e eth carbon. Mès aguestes energies contaminen fòrça, e des de hè quauques decades s’a sajat d’emplegar bères autes energies mens contaminantes. Son es nomentades energies renauïbles o tanben “verdes”.
Era energia solara se base en emplec dera energia des rais deth Solei, en tot emplegar plaques solares, qu’absorbissen aguesti rais e les convertissen en energia.
Era energia eoliana emplegue era fòrça deth vent. Reaument ei fòrça antica, perque d’ençà de temps plan antics an existit mòles de vent entà mòler aliments, per exemple. Ara son tors elevades qu’enlairen aspes.
Era energia marèomotritz emplegue era fòrça des ondades dera mar, damb ues maquines arran de còsta, que transforme aguesta fòrça en energia.
Era nòsta societat a de besonh cada viatge mès energia entàs necessitats des nòstes cases e des empreses; donques ei important de poder dispausar de diferentes hònts d’energia.
