Aguest empèri aucupaue ua grana superfícia dera Euròpa centrau, damb capitau en Viena. Ère governat coma ua monarquia absolutista (eth rei auie tot eth poder) peth linhatge des Absborg.
Er empèri ère format principaument per dues nacions, qu’èren Àustria (d’origina germanica) e Ongria. Aguesta darrèra artenhec ua ampla autonomia pendent eth sègle XIX. Eth sòn territòri ère un trincacap damb un pialèr de pòbles e nacions que parlauen lengües diferentes e auien cultures diuèrses. Austriacs (germanics), ongresi, quauques comarques italianes e romaneses, chècs, eslovacs, eslovèns, croates, boniacs…
Pendent era sua esplendor en sègle XIX, era capitau ère un des centres politics d’Euròpa, mès tanben culturau, a on era musica ère er èish centrau de grani eveniments.
Era Prumèra Guèrra Mondiau esclatèc er an 1918, que sigueren assassinadi en Sarajevo (Bòsnia) er ereu deth tròn, Francés Ferrand, e era sua hemna Sofia, per un terrorista sèrbi. Er empèri declarèc era guèrra a Sèrbia, e aquerò merquèc eth començament d’un conflicte mondiau.
Àustria e Ongria perderen era guèrra, e siguec proclamada era Republica en Viena. Es dues nacions se separèren, mès Ongria contunhèc estant quauques decades un règne sense rei. D’autes nacions artenheren era independéncia e se junheren, coma en cas de Checoslovaquia, o sigueren obligades a junher-se a d’autes, coma en cas de Iogoslavia. E es comarques italianes e romaneses passèren tà Itàlia e Romania respectivament.
Sabetz se quina siguec era emperairitz mès mitica der antic Empèri d’Àustria e Ongria?
