Pensatz que poirie auer un lenguatge universau que coneishesse era majoria dera Umanitat entara comunicacion entre es diferenti païsi? Ua des possibilitats ei l’esperanto, ua lengua creada peth mètge polonés Zamenhof er an 1887. Un des objectius ei qu’aguesta lengua podesse ajudar ara comprenença mutuau des pòbles e ara patz mondiau.
Zamenhof ère un gran estudiós des lengües e l’esperanto utilizaue paraules des lengües romaniques e es germaniques principaument. Es nòrmes gramaticaus son pòques e sense excepcions, non i a vèrbs irregulari, cada letra se lieg coma sona (non pòden auer dus sons diferenti ua madeisha letra). Semble ua lengua fòrça facila d’apréner.
Non ei oficiau a cap país deth mon, mès existissen fòrça associacions qu’ensenhen aguesta lengua e promòn era sua utilizacion. Es estadistiques diden qu’ei parlada entre quate centes mil e dus milions de persones.
Er esperanto non vò substituïr cap lengua mès vier ua lengua comuna coneishuda per toti entà ajudar ath dialòg entre persones diferentes.
Quantes lengües coneishes?
