Damb es sues novèles e racondes bracs, Miguel de Cervantes ei considerat eth milhor escrivan dera istòria dera literatura en lengua castelhana. Neishec en Alcalá de Henares er an 1547 e moric en Madrid eth dia 22 d’abriu de 1616.
Encara qu’escriuec bères òbres de teatre, bèth poèma e quauques novèles, coma La Galatea o Novelas ejemplares, ei coneishut sustot per Dòn Quishòt d’Era Mancha, considerada coma ua des melhors novèles dera literatura universau.
Eth protagonista deth Quishòt ei un nòble praube que, entosiasmat damb es novèles de cavalheries, decidís de recórrer era Mancha coma un cavalièr medievau entà protegir es desemparadi. Damb era sua imaginacion, cre mantier granes batalhes contra personatges marridi o mitologics jos era proteccion dera sua dauna, Dulcinèa, e damb era companhia deth sòn escudèr, un òme deth pòble, Sancho Pança.
Era novèla mos mòstre ua luta entre era fantasia e er idealisme de Dòn Quishòt e eth realisme de Sancho Pança deuant des circonstàncies que viuen. Aguesta gran òbra ei eth dusau libre mès publicat deth mon dempús dera Bíblia.
Sabíetz que Miguel de Cervantes perdec un braç en ua batalha contra es turcs en Lepant?
