Aguest país deth centre d’Euròpa neishec a mejans sègle XIV dera union de diuèrses valades aupines, encara que non siguec reconeishut internacionaument enquiath sègle XVII pendent era Guèrra des Trenta Ans.
En Soïssa i a quate idiòmes oficiaus, er alemanh, qu’ei parlat per dus de cada tres estatjants, eth francés, er italian e eth romanch. Un país que resumís fòrça clarament era diuersitat d’Euròpa.
Soïssa ei plan coneishuda peth chicolate, pera fabricacion de relòtges e pes sòns païsatges aupins. Ei estructurada coma ua confederacion de vint-e-sies cantons, que partegen eth poder damb eth govèrn centrau soís, damb es sues institucions nacionaus ena ciutat de Bèrna. D’autes ciutats importantas son Genèva, qu’ei era sedença de fòrça organismes internacionaus, e Zuric, qu’ei ua grana capitau financèra mondiau.
Era sua moneda ei eth franc soís e non ei membre dera Union Europèa. Ua des sues caracteristiques basiques ei era sua neutralitat, e ei per açò que non participèc en cap des dues guèrres mondiaus.
Auetz liejut eth roman “Heidi” de Johanna Spyri? Se passe parciaument en bères montanhes des Aups soïssi.
